BERRIKUNTZA PROIEKTUAK

Saiolan Euskadiko Zientzia, Teknologia eta Berrikuntza sareko kide da, eta bere jardueren artean Unibertsitateetan (Mondragon Unibertsitatea) eta Zentro Teknologikoetan (Ikerlan) ekintzailetza bultzatzera zuzendutako zenbait ekintza sustatzea dago, baita teknologia garbietan eta fabrikazio aurreratuan negozio aukera berriak topatzeko “Gida Proiektuen” garapena. Ondorengo lerroetan martxan ditugun proiektu ezberdinak topatu ahal izango dituzu:

ADINBERRI Proiektua

Proiektu honen bitartez, zahartze osasuntsuaren esparruan jarduten duten erakundeen lehiakortasuna hobetzen lagunduko duen ezagutza sortu nahi da, eta, aldi berean, sektorean enpresa-jarduera berrien ekintzailetza sustatzeko balio izango duena, Adinberri Fundazioaren eta Gipuzkoako Foru Aldundiaren beraren xedearekin bat etorriz, zahartzearen inguruan ekonomia berri bat eta eragile berriak sustatzeko.

ORHI Proiektua

ORHI Frantzia eta Espainiako mugaz haraindiko lurraldeetako hainbat erakundek osatutako partzuergo batek sustatutako POCTEFA europar proiektu bat da. Proiektuaren helburua POCTEFA lurraldearen nekazaritza eta elikadura sektorearen Ekonomia Zirkularreranzko bilakaeran laguntzea da, enpresen arteko Sinergiak bultzatuz, Irtenbide Berritzaileak bilatuz eta lurraldean inplementatzen lagunduz. ORHI nekazaritzako elikagaien arloko balio-katearen “materia organikoetan” eta “plastikoetan” oinarritzen du bere jarduera nagusia.

INGBIO Proiektua

Saiolanek Euskadiko Zientzia, Teknologia eta Berrikuntza sarearen bitarteko eragila gisa garatzen duen proiektua da. Helburu bikoitza du. Alde batetik, Mondragon Goi Eskola Politeknikoak (MGEP) eta Ikerlanek berrikuntza eta garapen proiektuak egiteko, SpinOff-ak sortzeko eta ezagutza berriak enpresara bideratzeko duten gaitasuna hobetzea. Bestetik, bioingenieritzan oiarritutako proiektu teknologikoak eskatzen dituzten enpresek MGEP eta Ikerlan aukera teknologikoen iturri gisa ikustea.

ARTILE Proiektua

Proiektu honen bitartez, Saiolanek ekonomia zirkularreko konponbideak ezarri nahi ditu Gipuzkoako ardi ekoizpenaren sektoreko enpresetan (End Users). Modu honetan, ingurumen inpaktuaren adierazleak hobeto artatzen dituzten ekoizpen ereduen trantsizioan laguntzen dugu, “artilearen” baliabidearen zirkulartasuna beste ekoizpen prozesuetan sustatuz. Egun, “artilearen azpiproduktuan” oinarritutako produktu berritzaileak identifikatzen ari gara enpresa jarduera berriak sustatzeko.