Goi Eskola Politeknikoko bazkide izan nintzen garaian (1984-1996) Saiolaneko proiektuetan zuzenean parte hartzeko zorte handia izan nuen eta, urte batzuk beranduago, 2005, ordurako Brinean Taldeko zuzendari nintzela, proiektu berrietan elkarrekin lan egiten hasi ginen. Saiolan 25. urteurrena dela-eta, bi konturen gaineko hausnarketa egin nahiko nuke: Saiolanek nire bizitza profesionalari egin dion ekarpena eta Brinean Taldea sortu, garatu eta sendotzeko egin duen ekarpena. Gehiago irakurri

Nire alderdi profesionalari dagokionez, irakaskuntza lana Saiolaneko proiektuekin osatu ahal izateak aukera eman zidan beste jarduera batzuk, beste enpresa batzuk edo beste enpresa batzuk ezagutzeko. Benetan aberatsa izan zen! Proiektuen artean daude: puntzonatzeko zelula malgua, konpositezko materialen zelula, Argentinan eta Venezuelan Lanbide Heziketako bi ikastetxe abian jartzea, Eusko Jaurlaritzaren lankidetza programaren bitartez, eta, batez ere, “Mendikoi” Landa Garapeneko Institutua abian jartzea, Eusko Jaurlaritzako Nekazaritza Sailarekin eta Foru Aldundietako sailekin batera. Proiektu horiek guztiek, prestakuntza teknikoaz gain, esperientzia handia hartzea ahalbidetu zidaten kudeaketaren esparruan.
Brinean Taldeak, 2000. urtean ekin zion bere ibilbideari. Hasiera hartan 9 pertsona ziren muntaketa mekanikoak egiten eta, gaur egun, taldea 6 enpresak osatzen dute, ehun pertsona ari direla sektore Elektrikorako eta Autogintzarako Ingeniaritza, Mekanizazio eta Muntaketa lanak egiten.
Atal honetan Saiolanek egin duen lana nabarmendu nahi dut, taldea sortzen eta garatzen emandako laguntzagatik eta, bereziki, Ingeniaritza enpresa sortzen elkarlanean aritzeagatik, enpresa hori oinarrizkoa baita taldearen hazkunderako. Gurea enpresa talde txikia da eta, horregatik, guretzako Saiolan lankide estrategiko garrantzitsua da, izan ere bere egikerak, esperientziak eta inplikazioak proiektu berriei ekitea ahalbidetzen digute, arrakasta bermatuta.
Horregatik guztiagatik, eskerrik asko eta segi aurrera!